Монгол Улсад Онцгой байдлын алба үүссэний 10 жилийн ойг тохиолдуулан нийслэлийн Онцгой байдлын газраас ерөнхий боловсролын сургуулийн сурагчдын хүрээнд “Өсвөрийн аврагч” уралдааныг зарласан. Уралдаан хоёр үе шаттай зохион байгуулагдаж 2014 оны 05 дугаар сарын 27-ны өдөр Тусгаар тогтнолын талбайд ялагчаа тодруулах юм. Олон нийтэд тулгуурласан гамшгийн эрсдлийг бууруулах үндэсний дэд хөтелбөрийн II шатны арга хэмжээний сургалтын үйл ажиллагааны биелэлтийг хангах, газар хөдлөлийн гамшгийн үед өөрөө болон бусдад анхны тусламж үзүүлэх, гал унтраах, нурангаас хүн аврах, тэсч амьд үлдэх арга хэмжээнд хүүхдүүдийг сургахад уралдааны гол зорилго оршиж байна.
Чингэлтэй дүургийн Онцгой байдлын хэлтэс, Чингэлтэй дүүргийн Улаан загалмайн хороо, Эрүүл мэндийн нэгдэл, Дэлхийн Зөн Монгол ОУБ Хайлааст ОНХХөтөлбөр хамтран зохион байгуулсан.

Чингэлтэй дүүргийн Ерөнхий боловсролын 5, 23, 24, 39, 50, 57 сургуулиуд оролцож сургууль тус бүрээс 8-11 ангийн 10 хүүхэдтэй 1 баг оролцлоо.
Тэмцээнийг ерөнхий шүүгчийн эхлэх командын шүгэлийн дохиогоор баг бүрэлдэхүүн өртөөчилсөн 6 буухианы 1 цэг дээр очиж цэгийн шүүгчийн даалгаврын дагуу 8 минутын хугацаанд гүйцэтгэж шүгэлийн дохиогоор дараагийн цэгт очих байдлаар явагдана. Тухай цэгийн шүүгч багийн гишүүдэд өгөгдсөн даалгаварыг хэрхэн зөв аюулгүй байдлыг ханган биелүүлж байгаагаар нь 1-5 баллын оноогоор дүгнэн, багийн ахлагчид оноог өгөх ба тэмцээн дууссаны дараа хамгийн ендөр оноотой багийг шалгаруулсан юм.

Уралдаанд оролцсон 6 ерөнхий боловсролын сургуулиас 1-р байрт 31 оноогоор 57 дугаар сургууль, 2-р байрт 30 оноогоор 23 дугаар сургууль, 3-р байрт 5 дугаар сургууль 26 оноогоор тус тус шалгарч шагналаа гардан авлаа.