13:00 цагаас Үндэсний мэдээллийн төвд “Иргэдийн шударга шүүх” ТББ-аас Хууль зүйн сайд Х.Тэмүүжинг огцруулах асуудлаар хэвлэлийн бага хурал зарлалаа.

12:00 цагаас Эдийн засгийн байдал хүндрэлтэй байгаа хэдий ч хүмүүсийн цалин орлогыг багасгах, хөдөлмөр, нийгмийн хамгааллын зардлыг бууруулж танахын эсрэг байгаагаа МҮЭХ илэрхийлсээр байгаа талаарх хэвлэлийн бага хурал МҮЭХ-ны хурлын танхимд болно.

Салбар салбарын төлөөлөл болсон ”Шилдэг Хүүхэд” шалгаруулах ёслол 10:00 цагт Төрийн ордны Хүндэтгэлийн танхимд болно.

09:00-17:00 цагийн хооронд ГХЯ-ны Номин танхимд Монгол Киргизийн засгийн газар хоорондын комиссын хоёрдугаар хуралдааны Худалдаа, эдийн засаг, шинжлэх ухаан, техник, соёлын хамтын ажиллагааны Засгийн газар хоорондын комиссын хуралдаан болно.

Тээврийн хэрэгслийн татвар, төлбөр хураалтыг хөнгөвчлөх, цахим хэлбэрт оруулах зорилгоор Татвар, төлбөр хураалтын шинэ системийг Нийслэлийн Мэдээллийн технологийн газраас боловсруулаа. 11.00 цагаас энэхүү системийг танилцуулах нээлтийн ажиллагаа НЗДТГ-ын байранд болно.

16:00 цагт Монгол Улсын Ерөнхий сайдын тэргүүлдэг Хүүхдийн төлөө үндэсний зөвлөлийн хурал Төрийн ордонд Ерөнхий сайдын ажлын өрөөнд болно.

МН мэдээллийн төвд

11.00 цагт Монголын уламжлалт харваачдын холбооноос археологийн үнэт олдвор олдсон тухай болон монголын нум сум судлалын талаар дэлгэрэнгүй мэдээлэл хийнэ.

12.00 цагт “Шударга ёс” бүлгэмээс улс төрийн асуудлаар хэвлэлийн бага хурал зарлалаа.

12.30 цагт МУИС-ийн багш нарын холбооноос бүтцийн өөрчлөлтийн алдаа дутагдлын талаар баримттай мэдээлэл хийнэ.