Нийслэлийн Удирдлагын зөвлөлийн ээлжилт хурлаар “Ургах наран” хорооллын дэд бүтцийн асуудлыг хэлэлцсэн юм. Улмаар “Ургах наран хороолол”-ын нөхцөл байдлыг танилцуулж, тус хорооллын инженерийн шугам сүлжээг шийдэхээр ажлын хэсэг байгуулахаар болсон байна. Тус хороолол нь бохир, дулаан төвийн шугамд холбогдоогүй. Иймээс бохир ус нь хальж байсан тохиодол цөөнгүй гарсан байна. Энэ талаар сурвалжлахаар Баянзүрх дүүргийн XI хороонд байрлах “Ургах наран” хороололд очлоо. Бидний очиход бохирыг соруулдаг машин ирчихсэн, бохироо соруулж байв. Бохирыг “Маргад Монгол” гэдэг компани соруулдаг бөгөөд тус компанитай 2010 онд бохир соруулах гэрээгээ байгуулсан аж.
Б.Уламбаяр: Ургах наран хорооллын бохирыг өдөрт 10 удаа соруулдаг
“Маргад монгол” ХХК –ны жолооч Б.Уламбаяраас дараах зүйлийг тодрууллаа.
-“Ургах наран” хорооллын бохирыг тогтмол соруулдаг юм уу?
-Ер нь өдөр болгон соруулдаг. Хүн ам нэлээд нэмэгдэж байгаа болохоор бохирын хэмжээ нэмэгдэж байгаа. Соруулахгүй бол халих магадал өндөр байдаг. Тэр дундаа амралтын өдрүүдэд бохир нь маш их болчихдог юм. Дүүргийн нэг машин болон манай компани бохирыг соруулж байгаа. Манай хоёр машин өдөрт тус бүрдээ арван удаа соруулдаг юм.
-Өдөрт арван удаа явдаг гэж байна. Одоогийн байдлаар хэдэн удаа явсан вэ?
-Өглөөнөөс хойш гурван удаа явж байна. Ер нь ачаалал их байдаг.
-Дүүргээс явж байгаа машин хаяа явдаг гэсэн. Өнөөдрийн хувьд дүүргийн машин ирж бохироо соруулж байгаа юу?
-Соруулж байгаа. Дүүргийн бохир соруулдаг машин дөрөв дэхь өдөр амардаг, бусад өдрүүдэд нь ажилладаг юм.
-Нэг удаа хэчнээн хэмжээгээр соруулдаг вэ?
-15 тонныг соруулдаг. Нэг удаа соруулхад 15 минут зарцуулдаг. Ирж очсоор байтал нэг цаг орчим болдог юм. Харин түгжрэл ихтэй үед хоёр цаг гаруй явдаг.
- Соруулсан бохироо хаанаа асгадаг вэ?
-Улаан хуаранд л бохир асгах цэг нь байдаг. Тэр тусгай цэгт соруулсан бохироо асгадаг юм.
"Ургах наран хорооллын удирдлагууд халаалтын бохирын асуудлаа шийдээгүй байж барилга барихаа бодож байна"
Тус хорооллын есөн байранд 432 айл өрх буюу 1728 хүн амьдардаг аж. Энэ хороолол анхнаасаа дэд бүтцийн төлөвлөлт буруу хийгдсэн. Өнгөрсөн жилийн арваннэгдүгээр сард бохир ус зайлуулахад зарцуулах санхүүжилтийг шийдвэрлээгүй тул тус хорооллын бохирыг зөөвөрлөхөө больсноос тэр хавийн ес орчим га газарт бохир ус халин мөстөж, томоохон асуудал үүсгэж байсан байна. Харин асуудлыг шийдвэрлэхийн тулд тухайн үед нийслэлийн төсвөөс 300 сая төгрөг гаргаж өгсөн аж. Тус хорооллын иргэд дулаан, бохиртой холбогдоогүй болохоор нэлээд хүндрэлтэй. Бохироо байнга соруулж, уурын зуухаар галлаж дулаанаа өгдөг. Энэ хоёр асуудлыг шийдэх хэрэгтэй байна. Одоо халаалт нь зогсчихсон байгаа. Хэрэглээний халуун ус өгч байгаа. Бохир дулааныг шийдчихвэл болох гээд байна. Одоо шинэ цэцэрлэг баригдах гэж байгаа. Энэ цэцэрлэг нь баригдахаар дулаан бохирын асуудал бас яригдах байх.
Ийн биднийг иргэдтэй уулзаж байхад эхний асуудлаа шийдвэрлээгүй байж, байшин барилгаа барьж байна гэх иргэд цөөнгүй байсан юм. Зарим иргэд нь анх гурван байшинг байсныг бодвол харьцангуй сайжирч байгаа. Шинээр барих тавдугаар цахилгааны станц нь Амгаланд баригдах юм гэсэн. Тэгэхээр бохир дулаан шийдэгдэх байх. Иймээс тавдугаар цахилгаан станцаа хурдан барьж ашиглалтанд оруулж энэ хорооллын бохир, дулааны асуудлыг шийдвэрлэх хэрэгтэй гэдгийг хэлж байсан юм.
“Маргад монгол” ХХК –ны жолооч Б.Уламбаяраас дараах зүйлийг тодрууллаа.
-“Ургах наран” хорооллын бохирыг тогтмол соруулдаг юм уу?
-Ер нь өдөр болгон соруулдаг. Хүн ам нэлээд нэмэгдэж байгаа болохоор бохирын хэмжээ нэмэгдэж байгаа. Соруулахгүй бол халих магадал өндөр байдаг. Тэр дундаа амралтын өдрүүдэд бохир нь маш их болчихдог юм. Дүүргийн нэг машин болон манай компани бохирыг соруулж байгаа. Манай хоёр машин өдөрт тус бүрдээ арван удаа соруулдаг юм.
-Өдөрт арван удаа явдаг гэж байна. Одоогийн байдлаар хэдэн удаа явсан вэ?
-Өглөөнөөс хойш гурван удаа явж байна. Ер нь ачаалал их байдаг.
-Дүүргээс явж байгаа машин хаяа явдаг гэсэн. Өнөөдрийн хувьд дүүргийн машин ирж бохироо соруулж байгаа юу?
-Соруулж байгаа. Дүүргийн бохир соруулдаг машин дөрөв дэхь өдөр амардаг, бусад өдрүүдэд нь ажилладаг юм.
-Нэг удаа хэчнээн хэмжээгээр соруулдаг вэ?
-15 тонныг соруулдаг. Нэг удаа соруулхад 15 минут зарцуулдаг. Ирж очсоор байтал нэг цаг орчим болдог юм. Харин түгжрэл ихтэй үед хоёр цаг гаруй явдаг.
- Соруулсан бохироо хаанаа асгадаг вэ?
-Улаан хуаранд л бохир асгах цэг нь байдаг. Тэр тусгай цэгт соруулсан бохироо асгадаг юм.
Тус хорооллын есөн байранд 432 айл өрх буюу 1728 хүн амьдардаг аж. Энэ хороолол анхнаасаа дэд бүтцийн төлөвлөлт буруу хийгдсэн. Өнгөрсөн жилийн арваннэгдүгээр сард бохир ус зайлуулахад зарцуулах санхүүжилтийг шийдвэрлээгүй тул тус хорооллын бохирыг зөөвөрлөхөө больсноос тэр хавийн ес орчим га газарт бохир ус халин мөстөж, томоохон асуудал үүсгэж байсан байна. Харин асуудлыг шийдвэрлэхийн тулд тухайн үед нийслэлийн төсвөөс 300 сая төгрөг гаргаж өгсөн аж. Тус хорооллын иргэд дулаан, бохиртой холбогдоогүй болохоор нэлээд хүндрэлтэй. Бохироо байнга соруулж, уурын зуухаар галлаж дулаанаа өгдөг. Энэ хоёр асуудлыг шийдэх хэрэгтэй байна. Одоо халаалт нь зогсчихсон байгаа. Хэрэглээний халуун ус өгч байгаа. Бохир дулааныг шийдчихвэл болох гээд байна. Одоо шинэ цэцэрлэг баригдах гэж байгаа. Энэ цэцэрлэг нь баригдахаар дулаан бохирын асуудал бас яригдах байх.
Ийн биднийг иргэдтэй уулзаж байхад эхний асуудлаа шийдвэрлээгүй байж, байшин барилгаа барьж байна гэх иргэд цөөнгүй байсан юм. Зарим иргэд нь анх гурван байшинг байсныг бодвол харьцангуй сайжирч байгаа. Шинээр барих тавдугаар цахилгааны станц нь Амгаланд баригдах юм гэсэн. Тэгэхээр бохир дулаан шийдэгдэх байх. Иймээс тавдугаар цахилгаан станцаа хурдан барьж ашиглалтанд оруулж энэ хорооллын бохир, дулааны асуудлыг шийдвэрлэх хэрэгтэй гэдгийг хэлж байсан юм.
Д.Ундрах /24tsag.mn/
