ОХУ болон Монгол Улсын цэргийн төлөөлөгчид Улаан-Үд хотноо уулзаж, “Сэлэнгэ-2014” цэргийн хамтарсан сургуулийн төлөвлөгөөг хэлэлцсэн байна.

Хоёр талын цэргийн төлөөлөгчдийн уулзалтаар “Сэлэнгэ-2014” цэргийн сургуулийг энэ оны наймдугаар сарын гурав дахь 10 хоногт Монгол Улсын Дорнод аймгийн Чойбалсан хотын “Мөнх хэт” полигонд зохион байгуулах юм.

Терроризмтой тэмцэх зорилготой уг цэргийн сургуульд хоёр улсын цэргийн машин техник, хэдэн арван нисдэг тэрэг оролцоно. Тухайлбал, ОХУ-ын Дорнод цэргийн тойргийн байлдааны болон тусгай 65 нэгж техник, Хиагт хотод байрлалтай агаарын цэргийн хүчний мото буудлагын нэгтгэлийн 500 албан хаагч зэрэг хоёр талаас нийт 1000 гаруй бие бүрэлдэхүүн оролцох юм.

Энэ удаагийн сургуульд анх удаа ОХУ-аас 152 мм-ийн их бууны өөрөө явагч "Акация" төхөөрөг, гэрэлт буудлагын тийрэлтэт "Град" систем, зенитийн өөрөө явагч "Шилка" төхөөрөг, "МИ-24" нисдэг тэрэг, "Т-72" танк  зэрэг машин техникүүдийг оролцуулахаар төлөвлөж байна. Эдгээр техник хэрэгслүүдийг Монголын Баян-Түмэн төмөр замын зогсоолоос ачиж буулган хамтарсан цэргийн сургуулилт хийх Чойбалсан хот руу зөөвөрлөх юм.