Автотээврийн албан татвар, агаарын бохирдол, автозам ашигласны төлбөр хураах ажил үргэлжилж байна. Энэ ажлыг хурдан шуурхай болгох зорилгоор Нийслэлийн мэдээллийн технологийн газар цахим системийг боловсруулжээ. Эл системээр дамжуулан тээврийн хэрэгсэлтэй холбоотой үйл ажиллагаа явуулдаг төрийн байгууллагууд мэдээллийн сангаа нэгтгэж харилцан мэдээлэл солилцох боломжтой болж байгаа юм. Энэхүү системд орон нутгийн бүх тээврийн хэрэгслийн бүртгэл багтсан байна.