Зам барилгын ажил эхлээд багагүй хугацаа өнгөрсөн энэ үед Нийслэлийн авто замын газраас энэ онд хийгдэж буй зарим ажлын явцтай танилцлаа.
Их тэнгэрийн амнаас Зайсан толгой хүртэлх замыг маргаашнаас эхлэн 10 хоног хаана
Баянзүрхийн товчооноос Богд уулын араар Яармагийн гүүр хүртэлх 17.6 км зам засварын ажлыг "Эсто" ХХК өнгөрсөн жилээс хийж эхэлсэн. Тэд одоогоор Маршалын гүүрнээс зүүн чиглэлд хуучин асфальтбетон хучилтыг хуулан дахин боловсруулах ажил хийж байгаа юм. Энэ ажлын хүрээнд маргаашнаас эхлэн Зайсан толгойн зүүн талаас Их тэнгэрийн амны зүүн тал хүртэлх 2.2 км замыг 10 хоногийн хугацаатай хааж хучилт хийх юм байна.
Энэ замыг ирэх 8 дугаар сарын 01-нд хүлээлгэж өгөх гэрээтэй бөгөөд зам ашиглалтад орноор хотын зүүн захаас Яармаг чиглэлд Богд уулын араар түгжрэлгүй шууд хүрэх боломжтой болно.
Дүнжингарав худалдааны төвын урдуурх зам ирэх 11 сард ашиглалтад орно
Дүнжингарав худалдааны төвийн урдуурх замаас зүүн тийш Улиастайн зам хүртэлх 6 км авто замыг "Хансуун зам" ХХК шинээр барьж 10 дугаар сарын 30-нд ашиглалтад хүлээлгэн өгөхөөр ажиллаж байна.
Мөн л хотын зүүн захаас төв замын хөдөлгөөний ачааллыг нэмэлгүй хотын төв рүү шууд нэвтрэх ач холбогдол бүхий энэ зам нь Төмөр замын урдуурх хэвтээ тэнхлэгийн үргэлжлэл болох юм. Хоёр урсгалдаа тус бүр хоёр эгнээтэй баригдах энэ замын зурваст далангийн ажил, суурийн нягтруулалт хийж байна.
Энхтайваны өргөн чөлөөг 100 айлтай холбох шинэ зам тавигдаж байна
Арслантай гүүрийн баруун талаас Сэлбэ голын баруун эргээр Бээжингийн гудамж хүрэх 0.7 км авто замыг шинээр барьж байгаа билээ. Замын нийт уртад далан, суурийн ажлыг гүйцэтгээд замын хашлага суурилуулж байна.
Энэ замыг 10 сарын 30-нд ашиглалтад өгөх бөгөөд шинээр баригдаж байгаа Бээжингийн гудамжинд Сэлбэ гол дээр шинээр баригдах гүүрийн доогуур Денверийн гудамжтай холбох ёстой юм. Тодруулбал, Арслантай гүүрнээс хойш яваад АНУ-ын Элчин сайдын яамны зүүн талаар гарч 100 айл руу шууд нэвтэрнэ. Энхтайваны өргөн чөлөөг Их тойруутай ийнхүү шууд холбосноор Бага тойруугийн ачаалал буурах ач холбогдолтой.
Дашрамд сонирхуулахад Бээжингийн гудамжны зам засвар ажил хөдөлгөөнийг хэсэгчлэн хааж зам доорх шугам сүлжээний шинэчлэлээр үргэлжилж байна. Одоогоор Сэлбийн гүүрийн ажлын явц 5 хувьтай байгаа бөгөөд нуман хэлбэртэй баригдах энэ гүүрийн суурийн ажил явагдаж байгаа юм. Хуучин зам, гүүр нь хоёр урсгалдаа тус бүр хоёр эгнээтэй байсан бол 11 сарын 30-нд хоёр урсгалдаа гурав гурван эгнээтэй шинэ зам, гүүрийг нээнэ.
Их тэнгэрийн амнаас Зайсан толгой хүртэлх замыг маргаашнаас эхлэн 10 хоног хаана
Баянзүрхийн товчооноос Богд уулын араар Яармагийн гүүр хүртэлх 17.6 км зам засварын ажлыг "Эсто" ХХК өнгөрсөн жилээс хийж эхэлсэн. Тэд одоогоор Маршалын гүүрнээс зүүн чиглэлд хуучин асфальтбетон хучилтыг хуулан дахин боловсруулах ажил хийж байгаа юм. Энэ ажлын хүрээнд маргаашнаас эхлэн Зайсан толгойн зүүн талаас Их тэнгэрийн амны зүүн тал хүртэлх 2.2 км замыг 10 хоногийн хугацаатай хааж хучилт хийх юм байна.
Дүнжингарав худалдааны төвын урдуурх зам ирэх 11 сард ашиглалтад орно
Дүнжингарав худалдааны төвийн урдуурх замаас зүүн тийш Улиастайн зам хүртэлх 6 км авто замыг "Хансуун зам" ХХК шинээр барьж 10 дугаар сарын 30-нд ашиглалтад хүлээлгэн өгөхөөр ажиллаж байна.
Энхтайваны өргөн чөлөөг 100 айлтай холбох шинэ зам тавигдаж байна
Арслантай гүүрийн баруун талаас Сэлбэ голын баруун эргээр Бээжингийн гудамж хүрэх 0.7 км авто замыг шинээр барьж байгаа билээ. Замын нийт уртад далан, суурийн ажлыг гүйцэтгээд замын хашлага суурилуулж байна.
Дашрамд сонирхуулахад Бээжингийн гудамжны зам засвар ажил хөдөлгөөнийг хэсэгчлэн хааж зам доорх шугам сүлжээний шинэчлэлээр үргэлжилж байна. Одоогоор Сэлбийн гүүрийн ажлын явц 5 хувьтай байгаа бөгөөд нуман хэлбэртэй баригдах энэ гүүрийн суурийн ажил явагдаж байгаа юм. Хуучин зам, гүүр нь хоёр урсгалдаа тус бүр хоёр эгнээтэй байсан бол 11 сарын 30-нд хоёр урсгалдаа гурав гурван эгнээтэй шинэ зам, гүүрийг нээнэ.
24tsag.mn
