Хогны ногоон уутыг эсэргүүцэгчид өнөөдөр Нийслэлийн Засаг даргын Тамгын газрын гадна жагсаал хийлээ. Уг цуглааныг "Ардын хяналт" ТББ-аас зохион байгуулсан байна. Тэд хогны уутанд зарцуулж буй мөнгийг нийгэмд тустай ажлуудад зориулах ёстой гэж байгаа юм. Тухайлбал хогны уут үйлдвэрлэж буй 5,7 тэрбум төгрөгөөр 120 хүүхдийн таван цэцэрлэг, 600 хүүхдийн хоёр сургууль, 200 ортой дөрвөн эмнэлэг барих боломжтой аж. Гэтэл энэ мөнгөөр хогны уут үйлдвэрлэн хог болгож байгааг эсэргүүцэж байна гэлээ.

Цуглаанд оролцогчид сургууль, цэцэрлэг, эмнэлэгийн тоогоор хогны уутыг тэнгэрт нисгэж эсэргүүцлээ илэрхийлсэн юм. 

Мөн хоёр сарын дотор монгол улсын шинэ иргэн 14 мянгаар нэмэгдэж байхад хүүхдийн эмнэлэг, цэцэрлэгийн асуудал хойшид улам тулгамдсан асуудал болох нь гарцаагүй. Тулгамдсан асуудлаа түрүүлээд шийдчихмээр байна. Хотын даргаа! гэсэн уриа, лоозонг барьжээ.