ШӨХТГ-аас өнөөдөр хэд хэдэн асуудлаар хэвлэлийн хурал хийлээ.

Арилжааны 13 банкинд 30 хоногийн хугацаатай шаардлага хүргүүлэв
Шударга өрсөлдөөн хэрэглэгчийн төлөө газраас өнөөдөр арилжааны 13 банкинд шаардлага хүргүүлж байгаагаа дөнгөж сая мэдэгдлээ. Арилжааны банкууд иргэд, аж ахуйн нэгжид зээл олгохдоо зээлийн шимтгэл,  хураамж болгож олгосон зээлийнхээ 0,5-1 хувийг суутган авч буй нь хууль зөрчсөн үйлдэл учир энэ төрлийн шимтгэл хураамж авахгүй байхыг шаардсан албан бичгийг арилуааны банкны удирдлагуудад  хүргэжээ. Зээл олгосны хураамж,  шимтгэл авч буй энэ үйлдэл нь Өрсөлдөөний тухай хууль, Хэрэглэгчийн эрх ашгийг хамгаалах тухай хуулийг аль алийг нь зөрчиж байгаа хэрэг гэж ШӨХТГ-аас мэдэгдэв.

МУИС-ын захирал А.Галтбаяр 347 сая төгрөг хууль бусаар хуримтлуулжээ
МУИС-ийн захирал А.Галтбаярт хариуцлага тооцох хүсэлтийг Шударга өрсөлдөөн хэрэглэгчийн төлөө газраас Боловсрол соёл шинжлэх ухааны сайд Л.Гантөмөрт хүргүүлэв. Учир нь А.Галтбаяр захирал өнгөрсөн 2013 онд сургууль хооронд шилжсэн 166 оюутнаас 236 сая төгрөг, 2014 онд 75 оюутнаас 111 сая төгрөг,  нийт 347 сая төгрөг хууль бусаар авсан болохыг тогтоосон байна. Тиймээс сургууль хооронд шилжилт хийсэн оюутнуудаас мөнгө авсан хууль бус үйлдэлд нь хариуцлага тооцох ёстой гэж ШӨХТГ-аас мэдэгдлээ.

Хүүхдэд буруу зүйл сурталчилсан 4 номыг эргүүлэн татжээ
ШӨХТГ-аас нийслэл дэх номын дэлгүүрүүдийг шалгажээ. Улмаар хүүхдүүдэд буруу үлгэр дуурайлал болсон садар самуун онигоо, үлгэрийн цуврал номын зохиогчдыг номооо зах зээлээс эргүүлэн татахыг сануулжээ. Мөн хүүхдийн нэрээр бизнес хийж буй номын зохиогчдын үйлдлийг таслан зогсоох, хүүхдэд зориулсан номын агуулга хэлбэрийг нарийн тусгасан журам гаргах шаардлагатай гэж үзжээ. Энэ дагуу дөрвөн номыг худалдаж байгаа дэлгүүрээс нь эргүүлэн татсан байна.