“Буянт-Ухаа 1” хорооллын сугалаагаар нийт байр авах 1545 иргэний 1300 нь урьдчилгаа 30 хувийг төлсөн байна.

Мөн зургаан иргэн орон сууцны төлбөрөө 100 хувь төлжээ. Урьдчилгаа төлбөрөө төлсөн иргэд Төрийн орон сууцны корпораци дээр өөрийн биеэр ирж орон сууцны захиалгын гэрээг байгуулан байрны сонголтоо хийх юм. Төрийн албан хаагч иргэд гэрээ байгуулахдаа албан газрын тодорхойлолт, нийгмийн даатгалын дэвтэр (эх хуваарь) заавал авчрах ёстой бөгөөд байраа сонгосон иргэд 10 хоногийн дотор урьдчилгаа төлбөрийг төлөх ёстой юм.

Мөн тус хорооллын 28 барилга дээр Барилга байгууламжийг байнгын ашиглалтад оруулах Улсын  комисс ажиллаж дууссан бөгөөд хуулийн дагуу энэ оны зургаадугаар сарын 2-ноос хойш 14 хоногийн дотор улсын комиссын акт баталгаажих аж.

Харин “Буянт-Ухаа 2” хорооллын бүтээн байгуулалт энэ хавраас эхлүүлэх бөгөөд “Буянт-Ухаа” спорт цогцолборын баруун урд талын 28 орчим га газарт уг хорооллыг барихаар болсон байна. Уг хорооллыг "Буянт-Ухаа 1"-тэй адил богино хугацаанд ашиглалтад оруулахын төлөө шуурхай ажиллах төлөвлөж байгаа бөгөөд ТОСК-ын судалгааны багийн гаргасан тооцоогоор арванхоёрдугаар сард эхний 3000 орчим айлын орон сууцыг ашиглалтад оруулах боломжтой аж.