“Оллоо” телевизийн уран бүтээлчид сайн үйлс дагуулсан “Мөрөөдөл далавчтай” хэмээх нэвтрүүлгийг Олон улсын хүүхдийн баярыг тохиолдуулан  үзэгчдийн хүртээл болголоо.  Нэвтрүүлгийн багийнхан "Халуун сэтгэл" ТББ-д хандан хүүхдүүдэд туслах хүсэлтэй байгаагаа дуулгаснаар нэгэн гэр бүлийн таван хүүхдэд тусалсан тухай цагаан мэдээлэл бидэнд ирлээ. Мөн “Pro Sound” студийн захирал, дуучин МУГЖ Ж.Алтанцэцэг болон “М-Си-Эс” группын хамт олонд нэгэн айлын таван хүүхдэд туслах тухай саналыг тавихад тэд хүлээн авсан байна.
Гэр бүлийн таван хүүхдийн дөрвөн том нь хүү, нэг охинтой. Том хүү Анхбаяр  16 настай, 55 дугаар сургуулийн 9а ангид суралцдаг. Дунд хүү найман настай Дорждэрэм 55 дугаар сургуулийн 3г ангид сурдаг.  Удаах хүү долоон настай Чойдорж, мөн 55-р сургуульд сурдаг  нэгдүгээр  анги.  Идэрсүрэн буюу Идрээ зургаан настай одоогоор сургуульд сурдаггүй, айлын ганц охиныг Отгонжаргал гэдэг одоо гурван настай аж. Эдгээр хүүхдүүд эцэг эхийн хайр халамж байтугай маш их хүчирхийлэл дунд өссөн юм. "Оллоо" телевизийн “Мөрөөдөл далавчтай” нэвтрүүлгийн хамт олон хүүхдүүдэд туслах саналыг хүлээн авсан “М-Си-Эс” группын хамт олон таван хүүхдэд  туслахдаа 2015 оны хичээлийн шинэ жилд хэрэглэх  ном дэвтэр, цүнх гээд хичээлийн хэрэгслээр нь бүрэн хангахаа илэрхийлсэн бол дуучин Ж.Алтанцэцэг нэг сая 500 мянган төгрөгийн мөнгөн хадгаламжийн данс нээж өгсөн байна.