Өнгөрсөн амралтын өдөр Монголд банкны салбар үүсч хөгжсөний 90 жил, Аварга цолтой бөхөд хүндэтгэл үзүүлэх барилдаан болж уг барилдаанд түрүүлсэн аварга С.Мөнхбат үзүүрлэсэн харцага Ц.Содномдоржийн толгойруу цохиж нэдэрсэн явдал ихээхэн асуудал үүсгэсэн юм. Тэгвэл энэ талаар С.Мөнхбат аварга "Санаатайгаар толгой руу нь цохисон асуудал байхгүй. Санаандгүй тийм зүйл болчихсон. Ц.Содномдорж харцага бид хоёрын дунд ямар нэгэн үл ойлголцол, муудалцсан юм байхгүй. Сайхан найзалж, нөхөрлөж явдаг. Спорт, тэр дундаа бөхийн барилдаан гэдэг мэхээ даацтай сайн хийгүй бол  болохгүй гэдгийг бөх сонирхогчид мэдэх байх. Мэхээ гүйцээж хийхгүй бол уналгүй босоод ирэх байх гээд залгаа мэхээ хийсэн. Тэр нь хүмүүст буруу сэтгэгдэл төрүүлсэн байна лээ. Өмнө нэг барилдаан дээр өрсөлдөгч бөхөө унагачихлаа гээд үргэлжлүүлж мэх хийгээгүйгээс болж алдаа гаргаж байсан" гэж байр сууриа илэрхийлжээ.