Өнгөрсөн амралтын өдөр Монголд банкны салбар үүсч хөгжсөний 90 жил, Аварга цолтой бөхөд хүндэтгэл үзүүлэх барилдаан ихээхэн дуулиантай болсон. Учир нь Уг барилдаанд түрүүлсэн аварга С.Мөнхбат үзүүрлэсэн харцага Ц.Содномдоржийн толгойруу цохиж нэдэрсэн явдал байлаа. Өөрөөр хэлбэл аварга С.Мөнхбат түрүүлэхдээ харцага Ц.Содномдоржийг унагасныхаа дараа толгой руу нь цохиж, нэдэрсэн нь багагүй асуудлыг тарьсан юм. Тэгвэл энэ талаар Ц.Содномдорж харцага байр сууриа илэрхийллээ.

Тэрбээр "С.Мөнхбат аварга санаатайгаар тэгээгүй байх. Барилдааны үед тийм зүйл зөндөө л байдаг. Санаадгүй зүйл болсон гэж бодоод тоохгүй байгаа" гэжээ.