Баян-Өлгийн аймгийн хэмжээнд сүүлийн жилүүдэд эдийн засгийн гэмт хэрэг өсөх хандлагатай байгаатай холбогдуулан тус аймгийн ЗДТГ, аймгийн Прокурорын газар хамтран сум, албан байгууллагын төсвийн шууд захирагч болон нягтлан бодогч нарын аймгийн зөвлөгөөн зохион байгуулжээ.

Зөвлөгөөнөөр аймгийн хэмжээнд жил бүр буурахгүй гарч байгаа санхүүгийн зөрчлүүдийн болон эдийн засгий гэмт хэргийн шалтгаан нөхцөл, урьдчилан сэргийнлэх асуудлаар аймгийн Аудитын газар, ЗДТГ-ын Санхүү, Төрийн сангийн хэлтсийн мэдээлэлийг хэлэцүүлжээ. Уг зөвлөгөөнд аймгийн прокурор, хууль цаазын итгэмжит зөвлөх Т.Батсүх “Эдийн засгийн гэмт хэргийн өнөөгийн байдал, урьдчилан сэргийлэх нь” сэдвээр бодит жишээ баримттай болбон хичээл зааж өмчлөх эрхийн эсрэг гэмт хэрэг, албан тушаалын эсрэг гэмт хэргийн талаар ойлголт өгсөн байна

Зөвлөгөөнд нийт 100 гаруй албан хаагчид оролцсон ба зөвлөгөөний үеэр тус аймагт гарч буй санхүүгийн зөрчлүүд болон эдийн засгийн гэмт хэргийн онцлог, түүний шийдвэрлэлтийн байдал, энэ төрлийн гэмт хэрэгтэй тэмцэх талаарх аймгийн прокурорын газрын бодлого чиглэлийн талаар санал шүүмжлэл гаргаж, асуулт тавьж, ярилцлага явуулсан нь үр дүнтэй болсон байна

Мөн зөвлөгөөнд оролцогчид санхүүгийн сахилгыг эрс сайжруулах замаар төсвийн сахилгыг чангатгах, улмаар эдийн засгийн гэмт хэрэг гарахаас урьдчилан сэргийлэхэд чиглэсэн зөвлөмж гаргажээ. Зөвлөмжийн биелэлтийг аймгийн ЗДТГ жил бүрийн эцсээр заалт нэг бүрээр нь дүгнэж байхаар тогтжээ.