Манай улсад байгаа мотоциклийн тоо өнөөдрийн байдлаар тодорхой бус байгаа. Саяхан гаалийн байгууллагаас гаргасан мэдээгээр зөвхөн 2009, 2013 онд л гэхэд 36000 мотоцикл Монгол Улсад орж ирсэн гэсэн тоо байсан. Манай Автотээврийн үндэсний төв дээр 12000 мотоцикл бүртгэгдсэн. Зам тээврийн яамны бүртгэлийн мэдээллийн санд 28000 мотоциклийн бүртгэл байгаа. Замын цагдаа, цагдаагийн байгууллагаас өгч байгаа мэдээллээр зам тээврийн осолд өртөж байгаа мотоциклийн 63 хувь нь бүртгэлгүй байна гэсэн мэдээлэл бий.  Тэгвэл Автотээврийн үндэсний төв саяхнаас мотоциклийг тоолж эхэлж байгаа аж. Улмаар бүртгэлийг боловсронгуй болгох үүднээс улсын дугаарын стандартыг боловсронгуй болгож, өөрчлөлт оруулах гэж байгаа гэв. Тиймээс мотоциклийг улсын хэмжээнд ижил дугаартай болгож аж. Өөрөөр хэлбэл, аймаг хотоор нь ялгасан биш нэгдсэн дугаартай болгохоор төлөвлөж байна. Түүнчлэн, Импортоор орж ирж байгаа мотоциклийг дугаартай нь зардаг болгож, улсын дугаартай мотоцикл зардаг болгохоор болгож байгаа гэнэ.