Нийслэлийн ИТХ-ын Тэргүүлэгчдийн ээлжит хуралдаан өнөөдөр 10.00 цагаас НЗДТГ-ын “А” танхимд болно.

Хуралдаанаар ашиглалтын шаардлага хангахгүй болсон нийтийн зориулалттай орон сууцны барилгыг дахин төлөвлөн барилгажуулах журам, Иргэдэд гэр бүлийн зориулалтаар газар өмчлөх үйл ажиллагааг цахим хэлбэрээр зохион байгуулах журмыг хэлэлцэхээр төлөвлөжээ.

Цахим хэлбэрээр 52 байршилд газар өмчлүүлэхэд бэлэн болсон ч хэрхэн зохион байгуулах журмаа хэлэлцээгүй  байсан учраас өнөөдрийг хүртэл хойшлоод байсан юм.

Үүнээс гадна өнөөдрийн хуралдаанаар Жижиг дунд үйлдвэрийг хөгжүүлэх сан байгуулах, дүрмийг батлах тухай асуудлыг хэлэлцэх юм байна.