Энэ оны эхний таван сарын байдлаар манай улсын бүртгэлтэй ажилгүй иргэдийн тоо 38 мянгад хүрчээ. Энэ нь сүүлийн зургаан жилийн хамгийн бага үзүүлэлтэд тооцогдсон байна. Үүнээс 10 мянга 890 нь ажилд зуучлагдсан гэж Хөдөлмөрийн байгууллагаас мэдээллээ.

Бүртгэлтэй ажилгүй иргэдийг боловсролоор нь ангилвал 42 хувь нь бүрэн дунд, 30.9 хувь нь дипломын болон бакалаврын боловсролтой, 0.9 хувь нь боловсролгүй иргэд байгаа юм.

Агаарын тээврийн “Изинис Эйрвэйз” компани үйл ажиллагаагаа зогсоож, 225 ажилтнаа цомхотгосон болон “Оюу Толгой” компанийн бүтцийн өөрчлөлтөөр цомхотголд орсон ажилчдын тоо энэ оны эхний дээрх статистик мэдээлэлд багтаагүй болохыг Хөдөлмөрийн байгууллагаас онцолсон.