ССАЖЯ өчигдөр БНХАУ-ын Соёлын өвийн удирдах газартай Хэрлэн барс туурийг сэргээн засварлах хамтын ажиллагааны хэлэлцээр байгууллаа.

Хэлэлцээрийг ССАЖ-ын төрийн нарийн бичгийн дарга П.Алтангэрэл,  БНХАУ-ыг төлөөлж БНХАУ-аас Монгол Улсад суугаа ЭСЯ-ны улс төрийн зөвлөх Xang Qingdong нар үзэглэсэн бөгөөд ийнхүү гарын үсэг зурж баталгаажсанаар засварын ажил эхлэх юм.

Төв Азийн бүс нутагт цорын ганц үлдсэн Киданы үеийн дурсгал, Хэрлэн барс хотын туйр цамхаг нь МЭ IX зууны үед хүчирхэгжиж байсан Kидан гүрний үетэй холбогддог. Тэр үед Киданчууд нийслэл хотоо байгуулахаар шаваа тавих үед нь нутгийн хүмүүс бараар далайлган айлгаж буцааж байсан домогтой.

Уг хэлэлцээрийг байгуулснаар  Хэрлэн барсын туурийг сэргээн засварлаад зогсохгүй цаашид Монгол, Хятад хоорондын соёлын салбар дахь хамтын ажиллагаа улам өргөжих ач холбогдолтой юм.