УИХ-ын гишүүн Ж.Батзандангийн санаачилгаар Ганц худгийн гэх тодотголтой хорих ангийг татан буулгахаар болжээ. Ганц худгийн хорих анги нь 1920-оод оноос хойш үйл ажиллагаа явуулж байгаа бөгөөд орчин үеийн хорих ангийн стандарт, шаардлагыг хангаагүй хамгийн хоцрогдсон шоронгуудын нэг юм.

Тус шоронгийн барилгыг дуудлага худалдаанд оруулж, газрыг нь иргэдэд олгохоор болжээ. Тус шоронд манай улсын үе, үеийн шилдэг сэхээтнүүд Р.Чойном, Ц. Дамдинсүрэн нарын хүмүүс хилс хэргээр ял тулгуулан хэлмэгдэж, эрх чөлөөгөө хасуулж байсан түүхтэй байдаг билээ.