Сүхбаатар аймгийн прокурорын газраас санаачлан Эрүүгийн Давж заалдах шатны 1-р шүүхтэй хамтран аймгийн хуулийн байгууллагуудын зөвлөгөөнийг  өчигдөр Баруун-Урт хотод зохион байгуулсан байна.

Зөвлөгөөнөөр “Шүүхээс хэрэг нэмэлт мөрдөн байцаалтанд буцаж буй шалтгаан нөхцөл, анхаарвал зохих асуудал”-ын талаар Сум дундын 19-р шүүх, Аймгийн прокурорын газар, Эрүүгийн Давж заалдах шатны 1-р шүүхийн мэдээллийг тус тус хэлэлцэж цаашид авч хэрэгжүүлэх арга хэмжээний талаар ярилцжээ.

 Зөвлөгөөнд Эрүүгийн Давж заалдах шатны 1-р шүүхийн ерөнхий шүүгч А.Арвинбуян, шүүгч Г.Сүрэн, Б.Дэнсмаа, Сум дундын 19-р шүүхийн бүх шүүгч, Прокурор, Цагдаагийн хэлтсийн нийт хэрэг бүртгэгч, мөрдөн байцаагч, болон шүүхийн Шинжилгээний албаны шинжээч нар оролцлоо. Зөвлөгөөнөөр хэлэлцсэн асуудлаар “Зөвлөмж” гарган шүүгч, прокурор, хэрэг бүртгэгч, мөрдөн байцаагч нарт хүргүүлэхээр шийдвэрлэсэн байна.