Өнгөрсөн бямба гаригт элсэлтийн ерөнхий шалгалт монгол хэл, бичгээр эхэлсэн. Энэ жил улсын хэмжээнд нийт 38332 шалгуулагч бүртгүүлснээс 1400 нь эхнийхээ шалгалтад орж чадаагүй байна. Иймд эдгээр сурагчдаас дахин шалгалт авах эсэх нь одоогоор тодорхойгүй байгаа юм. Тэгвэл энэ талаар албаны хүн ярихдаа “Дахин шалгалт авах тухай огт яригдаагүй. Монгол хэл бичгийн шалгалтаа өгч чадаагүй 1400 сурагчийг энэ удаа харж үзээд, дараагийн шалгалтад орох эрхийг нь өгсөн” гэсэн тайлбарыг өгчээ.