
Уг хүсэлтийн дагуу судалсны дүнд Улаанбаатар цахилгаан түгээх сүлжээ ТӨХК-тай хамтран 200 айлыг цахилгаанд холбожээ. Мөн 782 өрхийн хүчдэлийг нэмэгдүүлэх ажлыг шинэ техник, технологи ашиглан хийсэн байна. Энэ ажлын хүрээнд агаарын 6 дэд станцад их засвар хийж, 0,4 кВ-ын 452 ширхэг модон тулгуур болон эрчим хүчний алдагдал багатай байгальд ээлтэй технологи болох төмөр бетон тулгууруудыг шинээр суурилуулж, цахилгаан дамжуулах агаарын шугамын 11,6 км АС утсыг бүрээстэй СИП утсаар сольж татчээ. Мөн 1044 өрхийг бүрэн электрон тоолуураар өдөр шөнийн үнэ төлбөргүй тарифт холбуулж 6 ширхэгээр багцлан 197 тоолуурын нэгдсэн хайрцагт суурилуулсан байна гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.