Жил бүрийн зургаадугаар сарын 14-нд цусны донорын өдрийг дэлхий нийтээрээ тэмдэглэн өнгөрүүлдэг уламжлалтай. Энэхүү арга хэмжээгээр авлагагүй цусны донор, аюулгүй цус цусан бүтээгдэхүүний тухай олон нийтэд мэдээлэх, цусны доноруудыг алдаршуулан тэдэнд талархал илэрхийлдэг.

Энэ өдрийг манай улс “Эрх чөлөөний талбай”-д тэмдэглэн өнгөрүүллээ. Тус үйл ажиллагаанд ЭМЯ, Цус сэлбэлтийн үндэсний төв, Монголын донорын холбоо болоод бусад холбогдох албан байгууллагууд, мэргэжилтнүүд, иргэд оролцлоо.

Тус арга хэмжээний үеээр Эрүүл мэндийн дэд сайд Ж.Амарсанаа “Монгол улсын нийт доноруудад дэлхийн донорын өдрийн мэндийг хүргээд, эрдэнэт хүний амийг аврахад та бүхний оролцоо маш чухал байдаг гэдгийг онцлон хэлсэн юм.

Тэрээр үргэлжлүүлэн энэ жилийн ЦДДӨ-ийг “Аюулгүй цус-Эхчүүдийг аварна” уриан дор тэмдэглэн өнгөрүүлж байна. Энэхүү ажлын хүрээнд нийтэд ахийн эндэгдлээс урьдчилан сэргийлэх, аюулгүй цус цусан бүтээгдэхүүнээр хангах нь чухал ач хобогдолтой бөгөөд цусны донорын хөдөлгөөнд олон нийтийг чиглүүлэхэд оршиж байна.
ЭМЯ-ны зүгээс жирэмсэн болон төрөх насны эмэгтэйчүүдэд чиглэсэн эрүүл мэндийн тусламж үйлчилгээг сайжруулах, цус цусан бүтээгдэхүүний аюулгүй байдлыг хангахад шаардлагатай тоног төхөөрөмжөөр хангах, цусны албад-аюулгүй цус цусан бүтээгдэхүүний нөөц бүрдүүлэх зэрэг ажлуудад анхаарал хандуулан ажиллаж байна” хэмээлээ.

Мөн олон олон эрдэнэт хүний амь насыг аварч байдаг цусны доноруудыг алдаршуулсан юм.