Эрүүл мэндийн дэд сайд Ж.Амарсанаагийн санаачилгаар Анагаах ухааны боловсрол олгох сургуулиудын төгсөлтийн шалгалт болон эмнэлгийн мэргэжилтний үйл ажиллагаа эрхлэх зөвшөөрлийн шалгалтын сорилын санг 10 000 болгон нэмжээ. Энэхүү өөрчлөлт өнгөрсөн онд хийгдэх ёстой байсанч төгсөгчид хугацааны хувьд давчуу гэсэн шалтгаанаар хойшлуулсан байна.2014 онд Анагаах ухааны боловсрол олгох сургуулиудын төгсөлт, эмнэлгийн мэргэжилтний үйл ажиллагаа эрхлэх зөвшөөрөл авахыг хүссэн 1742 төгсөгч ерөнхий мэргэжлийн эмч, эм зүйч, хүүхдийн эмч, нүүр ам судлалын эмч, уламжлалт анагаах ухааны эмч, уламжлалт анагаах ухааны сувилагч, уламжлалт анагаах ухааны бага эмч, сувилагч, эх баригч, эм найруулагч гэсэн арван чиглэлээр шалгалт өгчээ.
Тус шалгалтанд АШУҮИС, АШУҮИС-Сувилахуйн сургууль, “Ач” АУДС, Этүгэн ДС, Энэрэл АУК, Оточ Манарамба ДС, Шинэ анагаах ДС, Монос ДС, Улаанбаатар ИС оролцсон юм.
Нийт шалгалт өгсөн төгсөгчдөөс 920 буюу 52,81 хувь нь тэнцсэн бол ерөнхий мэргэжлийн эмчийн сорилд 538 хүн орсон ч ердөө гучин төгсөгч тэнцжээ. Энэ нь бодлогын хүрээнд чанаргүй эмч мэргэжилтэн эрүүл мэндийн салбарт ажиллах эрхгүй гэдгийг бататгаж өгөөд зогсохгүй их дээд сургуулиудад сургалтын чанартаа анхаарах хэрэгтэйг сануулсан явдал боллоо.
24tsag.mn
Сэтгэгдэл (17)