Улсын Ерөнхий Прокурор Д.Дорлигжав  Улсын Ерөнхий Прокурорын газрын хяналтын прокурор Д.Алтанцэцэг, эмч Д.Чулуунчимэг нарыг өндөр насны тэтгэвэрт гарч байгаатай нь холбогдуулан хүлээн  авч хүндэтгэл үзүүллээ.

Хяналтын прокурор Д.Алтанцэцэг 1981 онд МУИС-ын Хууль зүйн ангийг төгсөөд Завхан аймгийн прокурорын газарт хэсгийн прокуророор томилогдон очиж ажилласнаас хойш прокурорын байгууллагад  тасралтгүй 32 жил 9 сар ажиллажээ.

УЕПГ-т эмчээр ажиллаж байсан  Д.Чулуунчимэг нь прокурорын байгууллагад анх 2004 онд орсноос хойш 8 жил тасралтгүй ажилласан бөгөөд улсад 22 жил ажиллаад ийнхүү өндөр насныхаа тэтгэвэрт  гарч байгаа ажээ.