Ерөнхий сайдын дэргэдэх Эдийн засгийн зөвлөлөөс зохион байгуулж буй “Бизнесийн дээд хэмжээний уулзалт” өнөөдрөөс эхэллээ. Өчигдөр тус уулзалтын нээлт болсон бөгөөд Ерөнхий сайд Н.Алтанхуяг нээж үг хэлсэн билээ. Уулзалтад гадаадын 50 гаруй банк, хөрөнгө оруулалтын компаниуд оролцож байгаа бөгөөд төлөөлөгчдийг хөрөнгө оруулалт шаардлагатай байгаа төслүүд, бүтээн байгуулалтын ажлуудтай танилцуулж байгаа юм.
Түүнчлэн хөрөнгө оруулагчид Тавантолгойн цахилгаан станц, Эгийн голын усан цахилгаан станц, төмөр зам зэрэг мега төслүүдэд ач холбогдол өгч байгаагаа мэдэгдээд байгаа.
Энэ уулзалт нь Монгол Улсыг олон улсад сурталчлах, шинэ бүтээн байгуулалтын талаарх үнэн бодит мэдээллийг өгөх, хөрөнгө оруулалтын гэрээ хийгдэх бодит нөхцөлийг бүрдүүлнэ гэж үзэж байна.
Их тэнгэрт болж буй дээд хэмжээний уулзалт энэ сарын 21-нд өндөрлөнө.
24tsag.mn
