Нэг үе 500 төгрөгт хүрээд байсан өндөгний үнэ 350 төгрөг болтлоо хямдарчээ. Зарим томоохон сүлжээ дэлгүүрүүдэд бол бүр 290 төгрөгөөр худалдаалагдаж байна. Өнгөрсөн өвөл өндөгний үнэ нэмэгдсэн асуудал өндрөө авч УИХ-ын чуулганы хуралдаанаар хүртэл яригдсан. Харин Ерөнхий сайд нь “Өндөг үнэтэй байгаа бол идэхээ больчих. Сайхан монгол лапшаагаа идчихгүй юу” гэсэн юм ярьж хүмүүсийн дургүйг хүргээд авсан билээ. Тэгвэл хорооллын захын дэлгүүрээс чуулганы танхим хүртэл яригдсан өндөгийн үнэ буурчээ.