Олон улсын хөдөлмөрийн байгууллага дэлхийн улс орнуудыг дундаж цалингийнх нь хэмжээгээр жагсаажээ. Судалгаанд нийт 72 орон оролцсоноос манай улс 415 ам.доллараар 65-т бичигдсэн байна. Ийнхүү манай улс сүүлээсээ долдугаар байрт жагсчээ.

Дэлхийн дундаж цалингийн хэмжээгээр Люксембүрг 4089 ам.доллараар тэргүүлсэн бол Тажикстан 227 ам.доллараар хамгийн сүүлд бичигдсэн юм.

Судалгаанд буурай орнуудыг хамруулаагүй бөгөөд эл үзүүлэлтэд хувиараа хөдөлмөр эрхлэгчид, тэтгэвэр тэтгэмж авдаг иргэдийн орлого багтаагүй байна. Дэлхийд нэг хүний жилийн дундаж орлого 10 мянган ам.долларт хүрэх төлөвтэй байна гэж Олон улсын хөдөлмөрийн байгууллага дүгнэжээ.