Төв аймгийн Эрдэнэ суманд гарсан автобусны ослын улмаас 44 хүн гэмтэж бэртэн өдгөө ГССҮТ-д хэвтэн эмчлүүлж байгаа билээ. Тэдэнд аймаг нийтээрээ тусалж дэмжсээр байгаа бөгөөд нөхөн олговор олгох асуудал ч яригдаж байгаа. Гэтэл эдгээр гэмтэж бэртсэн хүмүүсийн нэг болж жүжиглэн, эргэлт авч байсан хэрэг гарчээ. Та бүхний харж байгаачлан зураг дээрх 40 эргэм насны эрэгтэй энэ хэргийг өдүүлсэн байна. Сүхбаатар аймгаас сонгогдсон УИХ-ын гишүүн М.Зоригт түүний ар гэрийнхнийг хайж байсан бөгөөд түүнийг сэтгэл санааны шоконд орж, өөрийгөө илэрхийлэх чадваргүй болсон байх гэцгээж байсан юм. Үүгээр ч зогсохгүй түүнд эргэлт өгч анхаарал халамж тавьж байхыг  нутгийн дүү ТВ коктейл хамтлагийн жүжигчин Өөскө буюу Өсөхбаярт даалгасан аж. Гэтэл тэрээр "Дайчин Сүх" ХХК-ий автобусанд огт зорчиж яваагүй нь тогтоогдсон байна.