Төв аймгийн Эрдэнэ суманд гарсан автобусны ослоор 40 гаруй хүн гэмтэж бэртэн өдгөө ГССҮТ-д хэвтэн эмчлүүлж байгаа билээ. Тэдэнд аймаг нийтээрээ тусалж дэмжсээр байгаа бөгөөд эхнээсээ биеийн байдал нь сайжирч эмнэлэгээс гарч буй. Үүнтэй зэрэгцэн гэмтсэн зорчигчдын нэг болж жүжиглэн, эргэлт авч байсан хэрэг гарсан талаар бид өмнө мэдээлсэн. Тэгвэл өөрийгөө Цогтбаатар хэмээн танилцуулсан эр өчигдөр шөнө хулгай хийж эмнэлэгээс зугтжээ. 

Тэрээр өөрийгөө автобусанд сууж явсан хэмээн итгүүлж хэдэн өдрийн турш эргэлт авсан бөгөөд энэ хугацаанд Сүхбаатар аймгаас сонгогдсон УИХ-ын гишүүн М.Зоригт түүний гэр бүлийнхнийг нь хайсан юм. Үүгээр ч зогсохгүй түүнд эргэлт өгч анхаарал халамж тавьж байхыг  нутгийн дүү ТВ коктейл хамтлагийн жүжигчин Өөскөөд даалгаад байсан аж.  Гэтэл тэрээр өчигдөр "Дайчин Сүх" ХХК-ий автобусанд огт зорчиж яваагүй нь тогтоогдсон юм. Ийнхүү өөрийнх нь бусармаг үйлдэл илчлэгдсэн хэдий ч тэрээр худал яриагаа үргэлжлүүлээд зогсохгүй өчигдөр шөнө хулгай хийгээд зуртсан байна.