Нийслэлийн Засаг даргын захирамжийн хүрээнд Гэр оронгүй тэнэмэл иргэдийг бүртгэлжүүлэх, нийгмийн халамж болон сэтгэл засал, боловсрол, эрүүл мэндийн үйлчилгээнд хамруулах, мэргэжлийн чиг баримжаа олгох, ажлын байранд зуучлах зэрэг нийгэмшүүлэх үйл ажиллагааг зохион байгуулахаар нэгдсэн хөтөлбөрийг Нийслэлийн нийгмийн халамж үйлчилгээний газар, Нийслэлийн цагдаагийн газар хамтран боловсруулан хэрэгжүүлж эхлээд байгаа юм. Энэхүү хөтөлбөрийн хүрээнд гэр оронгүй тэнэмэл иргэдийг бүртгэлжүүлэх ажлыг эхлүүлжээ.Бүртгэлийг зохион байгуулахдаа дүүрэг тус бүр дээр нь гэр оронгүй тэнэмэл иргэдийг цуглуулж, хурууны хээ, зурагаар нь сан үүсгэсэнээс бүртгэлд хамрагдсан иргэдэд эрүүл мэндийн тусламж үйлчилгээ үзүүлжээ. Бүртгэлд нийслэлийн хэмжээнд 760 иргэн хамргадсанаас Сонгинохайрхан дүүрэгт 211, Баянгол дүүрэгт 146, Хан-Уул дүүрэгт 86, Сүхбаатар дүүрэгт 92, Чингэлтэй дүүрэгт 51, Баянзүрх дүүрэгт 74 иргэн бүртгэжээ гэж Нийслэлийн Хэвлэл мэдээлэл, олон нийттэй харилцах хэлтсээс мэдэээллээ.
