Иргэний хэргийн танхим 2014 оны 6 дугаар сарын 25-ны өдрийн байдлаар нийт 501 иргэний хэрэг хүлээн авснаас Ерөнхий шүүгчид гомдол гаргасан 57, хяналтын журмаар гомдол гаргасан 421, шинээр илэрсэн нөхцөл байдлын улмаас хянуулах 22, харьяалал тогтоолгох 2 хэрэг байна.

Хяналтын журмаар гомдол гаргасан 421, шинээр илэрсэн нөхцөл байдлын улмаас хянуулах 22, нийт 443 хэргээс 17 хэргийг хэлэлцэхээс татгалзаж, 412 хэргийг шүүх хуралдаанаар хэлэлцжээ.

Дээрх 412 хэргээс 391-ийг нь хяналтын шатны журмаар, 21-ийг нь шинээр илэрсэн нөхцөл байдлын улмаас хянасан бөгөөд шийдвэрлэсэн хэрэг өмнөх оноос 6 хувиар өссөн байна.

Хяналтын шатны шүүх хуралдаанаар хянан шийдвэрлэсэн 391 хэргийн 59.3 хувь буюу 232 хэргийн шийдвэр, магадлалыг хэвээр үлдэж, 16.6 хувь буюу 65 хэргийн шийдвэр, магадлалд өөрчлөлт оруулж, 10.5 хувь буюу 41 хэргийн шийдвэрийг хэвээр үлдээж, магадлалыг хүчингүй болгож, 11.5 хувь буюу 45 хэрэг хүчингүй болж, дахин хэлэлцүүлэхээр буцааж, 2.0 хувь буюу 8 хэргийн шийдвэр, магадлалыг хүчингүй болгож, нэхэмжлэлийг хэрэгсэхгүй болгожээ.

Мөн 391 хэргийн 64.5 хувь буюу 252 нь нийслэлийн, 35.5 хувь буюу 139 нь орон нутгийн шүүхийн шийдвэр, магадлалтай хэрэг байна. Орон нутгийн шүүхээс ирсэн хэргийг авч үзвэл Орхон аймгийн шүүхийн 24, Дархан-Уул аймгийн шүүхийн 22, Баян-Өлгий аймгийн шүүхийн 21, Дорнод, Сэлэнгэ, Ховд аймгийн шүүхийн тус бүр 9, Архангай, Төв аймгийн шүүхийн тус бүр 6, Хөвсгөл аймгийн шүүхийн 5, Өвөрхангай, Өмнөговь, Увс аймгийн шүүхийн тус бүр 4, Булган, Хэнтий аймгийн шүүхийн тус бүр 3, Дорноговь, Дундговь, Завхан, Сүхбаатар аймгийн шүүхийн тус бүр 2, Говь-Алтай, Говьсүмбэр аймгийн шүүхийн тус бүр 1 хэрэг хянагджээ.

Тус танхим 2014 оны 6 дугаар сарын 25-ны өдрийн байдлаар нийт 66 албан бичиг, өргөдөл, гомдол хүлээн авч 61-ийг нь шийдвэрлэсэн байна.