Нийслэл хотын авто замын сүлжээг өргөтгөн хөгжүүлэх зорилготой “Гудамж” төсөл хэрэгжсэн Цэцэг төвийн уулзварыг өнөөдөр албан ёсоор нээх гэж байна.

Тэд Сүхбаатар дүүргийн нэгдүгээр хорооны нутаг дэвсгэрт байрлах Цэцэг төвийн уулзвараас чанх урагш Ерөнхийлөгчийн өвлийн ордон буюу Төрийн тусгай хамгаалалтай газрын хашааг дайруулан Сөүлийн гудамж, Баянгол зочид буудлын арын замуудыг холбосон 0.45 км шинэ зам барьсан билээ.

Энэхүү шинэ замыг барьснаар Цэцэг төв болон Нэгдүгээр сургуулийн урд байгаа гурван замын уулзварууд дөрвөн замын уулзвар болж, Энхтайваны өргөн чөлөө, Сөүлийн гудамж, Чингисийн өргөн чөлөөний замууд шууд холбогдох шинэ сүлжээ үүсч замын хөдөлгөөний ачаалал буурах боломж бүрдэж байгаа юм.

Нээлт өнөөдөр 11.40 цагаас Цэцэг төвийн уулзварт болно.