Энэ сарын 27, 28, 29 ны өдрүүдэд Говь-алтай аймгийн нутгаар хүчтэй аадар бороо орсны улмаас үер усны гамшиг гарлаа. Гамшгийн үеэр Алтай хот үерт автагдаж дулаан болон цэвэр, бохир усны газар доорх шугамууд, улсын болон орон нутгийн чанартай авто замууд, зарим  айл өрх, албан байгууллагууд үерийн усанд автагдсан байна. Аймгийн онцгой комисс шуурхай арга хэмжээ авч богино хугацаанд Алтай хотын үерийн даланг сэргээн энэ ажилд иргэд, байгууллагуудыг дайчлан оролцуулжээ.        

Аймгийн Засаг даргын захирамж гарч үерт автагдсан зам талбайг цэвэрлэх, сэргээн засварлах, бохирдсон орчныг ариутгах ажлыг бүх нийтийн оролцоотойгоор эхлүүлээд байна. Нийтдээ ард иргэд, байгууллагуудад 400 гаруй сая төгрөгийн хохирол учирсан урьдчилсан тооцоо гарсан байна.