Их дээд сургуулиудын төлбөр жил бүр тодорхой хэмжээгээр нэмэгддэг ч сургалтын орчин болоод чанар нь дээшилдэггүй хэмээн эцэг эхчүүд шүүмжилдэг. Тэгвэл Шударга өрсөлдөөн хэ­рэглэгчийн төлөө газраас сургалтын төлбөрөө нэ­мэгдүүлж буй лицей болон их, дээд сургуулиудад шал­галт хийхээр болжээ.

Уг нь бүх сургуулиудад Удирдах зөвлөл гэж байдаг. Тэрхүү удирдах зөвлөл сур­галтын төлбөрийг нэмэх шаардлагатай үгүйг хянан хэлэлцээд шийдвэрээ гар­гасан байх ёстой аж. Тиймээс Удирдах зөв­лөлөөс гаргасан шийдвэрийг үндэслэж тухайн сур­гуу­лийн захирал төлбөрөө тог­тоодог байна. Ингэхдээ төлбөр нэмэх шийдвэрээ хуулийн дагуу гаргасан эсэхэд тус газраас хяналт тавьж ажиллах гэнэ.