Наадмын тасалбарыг өчигдрөөс Бөхийн өргөө, Соёлын төв өргөөний кассаар худалдаж эхэлсэн. Суудлынхаа байршлаас хамаараад тасалбарын үнэ 15.000, 20.000, 25.000 гэсэн үнэтэй байгаа. Тэгвэл тасалбар ихээхэн эрэлттэй байгаа аж. Тасалбар авахаар цугласан хүмүүс Соёлын төв өргөөний гадна уртаас, урт дугаар үүсгэн зогсож буйг та бүхэн харж байна. Эдгээр хүмүүс тасалбар худалдаанд гарч эхэлсэн даруйд нь буюу өчигдөр оройноос дугаарласан байна. Дээрх хүмүүс усны гутал, цув, хоол цайтайгаа ирж дугаарлаж байгаа аж. Жилээс, жилд наадмын тасалбарын эрэлт ихсэж байгаа учир борлуулалтыг олон газраар дамжуулан худалдаалахыг хүсч буйгаа эдгээр хүмүүс уламжиллаа.