Монгол-Оросын хувь нийлүүлсэн “Улаанбаатар төмөр зам” нийгэмлэг өнгөрсөн тавдугаар сарын 9-нд суудлын 15 вагоноо  хүлээн авсан билээ.

Нийт 125 сая ам.долларын өртөгтэй эдгээр вагонууд зорчигчдын тав тухыг бүрэн хангасан хамгийн сүүлийн үеийн загвар хийцтэй бөгөөд хөгжлийн бэрхшээлтэй иргэдэд зориулсан тусгай хаалгатай гэдгээрээ онцлог юм.

Вагонуудаар суудлын галт тэрэгний тусгай цуваа байгуулан, өнгөрсөн баасан гаригт Улаанбаатар-Москвагийн чиглэлд анхны аялалд явуулахад 200 гаруй хүн зорчсон байна.

Тасалбарын үнийг өөрчлөөгүй, энгийн ангиллын суудлын үнэ нэг талдаа 260.000 төгрөг, нэгдүгээр зэрэглэлийнх нь 405.000 төгрөг аж.