"Говь" ХК-ийн дэд ерөнхийлөгч Д.Наранбаатар БДК-ийн шинжээчдэд 2014 оны эхний хагас жилийн тайлангаа танилцууллаа. Хуралд Стандарт Инвестмент, Гацуурт Трэйд, APS, Ард Капитал, Дархан Брокер, Таван Богд, Превалент, Монсек, Гаүли зэрэг компанийн шинжээчид оролцлоо. Говь ХК-ийн хувьд эхний хагас жилийн ашиг нь өмнөх оны мөн үеэс 3 дахин өсч 2,425 тэрбумд хүрчээ. Энэ оны борлуулалтын орлогыг 60 тэрбумд хүргэхээр төлөвлөж байгаа бөгөөд үүнээс эхний хагас жилд 18.3 тэрбумын орлого олжээ. Оны хоёрдугаар хагаст дийлэнхи орлогоо олдог гэж Д.Наранбаатар мэдэгдлээ. Борлуулалтаа гадаад борлуулалтаа өсгөх замаар нэмэгдүүлэхээр ажиллаж байна. Иймээс гадаадын хэд хэдэн оронд борлуулалтын суваг нээхээр эрчимтэй ажиллаж байгаа аж. Хэтийн зорилго нь Япон Токиогийн биржид хувьцаагаа гаргах гэж мэдээллээ. Үүний тулд борлуулалтын орлогыг 100 сая ам.долларт хүргэх шаардлагатай байгаа аж. Иймээс Японы менежментийг нэвтрүүлж бүтээмжээ өсгөх замаар борлуулалтаа өсгөхөөр ажиллаж байна.