Халхын голын дайны ялалтын 75 жилийн ой энэ онд тохиож буй. 1939 онд Монголын дорнод хилийн Халх голын орчимд Японы цэргийн хүчийг Монгол, Зөвлөлт холбоот улсын хамтарсан хүчээр бут цохиж, улсынхаа тусгаар тогтнол, бүрэн эрхт байдлыг хамгаалсан билээ.

Ойн баярыг ирэх сарын 25-28-нд Дорнод аймагт тэмдэглэх бөгөөд тэд энэхүү ойг угтаж, бүтээн байгуулалтын ажил хийж байна.   Тухайлбал Чойбалсан хотод орших дайны үйл явдал хамаарах гүүрийг дурсгалын самбартай болгоод зогсохгүй Ялалтын гүүр хэмээн нэрийджээ.

Мөн дайчдын хөшөө болон цэцэрлэгт хүрээлэнг засч тохижуулан аймгийн зам харгуйд тэмдэг тэмдэглэгээ хийсэн байна.