Эдийн засгийн хямралын зэрэгцээ нийгмийн салбар бүрт доголдол гарч эхлэв. Хамгийн сүүлд Цусны төв цусны дутагдалд орлоо. Цус шаардлагатай олон өвчтөн бий ч цус олдохгүй байгааг сүүлийн өдрүүдэд мэдээлж эхлэв. III бүлгийн цус бүр тасарсан учраас иргэдийг цусаа өгөхийг уриалах болсон. Үүнийг цус өгдөг байсан оюутнууд амарч явсантай зарим эх сурвалж холбон тайлбарлав.Харин сүүлийн өдрүүд олны танил хүмүүс өөрсдийн биеэр очиж цусаа өгч байна. Хамгийн сүүлд УИХ-ын гишүүн С.Одонтуяа цусаа өгч бусдыг цусаа өгөхийг уриаллаа. Тиймээс иргэд цусны төвд хандаж цусаа өгч нийгмийн сайн сайхны төлөө хувь нэмэрээ оруулах хэрэгтэй байна.