Нийслэлийн Тээврийн газрын даргын баталсан хуваарийн дагуу тус газрын хяналт шалгалт, шуурхай зохицуулалтын хэлтсийн улсын байцаагчид өнгөрөгч сарын 31-ний 22.00 цагаас 01.00 цагийн хооронд  шөнийн тээврийн үйлчилгээний автобус болон такси үйлчилгээнд шалгалт хийжээ.  

Шалгалтаар нийт 44 тээврийн хэрэгсэл хамруулсанаас  гэрээ хэлцэлгүй нийтийн тээврийн үйлчилгээ эрхэлсэн бага оврын хоёр автобус /8082 УБН, 0673 УНЗ/, такси үйлчилгээ эрхэлсэн хоёр суудлын авто машиныг  /2551 УБЧ, 3215 УБЕ/ түр саатуулах байранд саатуулж, мэргэшсэн жолоочийн үнэмлэхгүй зорчигч тээвэрлэсэн хоёр, хууль бус тээвэр эрхэлсэн таван жолооч, зогсоолын байрлал буруу эзэлсэн хоёр жолоочид хариуцлага тооцон, асуудлыг шийдвэрлэхээр бичиг баримтыг хураан авсан байна.