БНХАУ-ын 100 орчим иргэд энэ сарын 2-ны 08.00 цагийн үед цуглаан хийхээр төв талбайг зорин явж байхад нь цагдаагийн байгууллага болон “Хас Монгол”, “Ногоон хас”, “Хас нэгдэл тайван”, “Босоо хөх Монгол” хөдөлгөөнийхөн нэгдэн саатуулж, БНХАУ-ын Элчин сайдын яаманд хүргэсэн. Тухайн үед “Хас Монгол” хөдөлгөөний удирдах зөвлөлийн гишүүн Д.Дарханбаатар “Бэрэн” ХХК-ийхан цалингаа өгөхгүйн улмаас цуглаан хийсэн гэх тайлбарыг хэвлэлийнхэнд өгч байсан юм.

Тэгвэл тэдгээр хятад ажилчид  “Бэрэн” групп 30-аад туслан гүйцэтгэгч компанитай хамтран ажилладаг бөгөөд тэдний нэг болох “Өлзийт Буян Өргөө” гэх компанийн туслах ажилчид байсан юм. Тэгвэл "Өлзийт буян өргөө" компани уг хятад ажилчдын цалинг бүгдийг нь төлж барагдуулсан байна.