Монгол орны ойн сангийн нөөц 1.3 тэрбум шоо метр бөгөөд жилийн дундаж өсөлт нь арван сая орчим шоо метр юм. Монгол Улсын мод, модон материал тавилгын үйлдвэрүүд дотоодын нийт хэрэгцээний тал хувийг хангаж байгаа бөгөөд цаашдаа бүрэн хангах бололцоотой гэж үзэж байна. Өнөөдрийн байдлаар улсын хэмжээнд энэ чиглэлийн 450 гаруй аж ахуй нэгж ажиллаж байгаа юм.

Одоогоор оюутан, сурагчдын ширээ сандлыг дотоодийн үйлдвэрүүдээс хангах зорилтыг удаа дараа тавьж байгаа боловч уг ажил төдийлөн үр дүнд хүрч чадахгүый байна. Боловсрол шинжлэх ухааны яамнаас жил бүр тендер зарладаг боловч тендерт ялсан байгууллагууд дотоодод үйлдвэрлэсэн гэх нэрийн дор Хятад улсаас эдэлгээний хугацаа богино, чанарын шаардлага хангахгүй бүтээгдэхүүнийг импортлон нийлүүлсээр байгаа аж. Сурагчдын ширээн сандлыг дотооддоо үйлдвэрлэснээр эдэлгээний хугацаа гурав дахин уртасч бөт бөх болсноор үнэ өртгөө нөхөж арван жилд 8.0 тэрбум төгрөг хэмнэх боломжтой гэж үзэж байна.