Хотын төвөөр явах автомашинаас сард 40-50 мянган төгрөгний хураамж авна гэсэн саналын дагуу иргэдээс багагүй гомдол, санал Нийслэлийн замын цагдаагийн газар ирж байгаа аж. Тэгвэл энэ талаар НЗЦГ-ын албаны хүнээс тодруулахад "Зарим иргэдээс энэ саналыг зөв гэж байгаа. Гэхдээ энэхүү саналыг хэрэгжүүлэх нь зөв үү буруу гэсэн санал асуулга иргэдийн дунд явсаар байна.  Түүнээс биш үүнтэй холбоотой Нийслэлийн засаг даргын ямар нэг захирамж гарсан зүйл байхгүй байгаа. Харин Нийслэлийн замын цагдаагийн зүгээс тун удахгүй Есөн сарын 1-н болох гэж байгаатай холбогдуулан Улаанбаатар хотын замын ачааллыг ихэсдэг.
Тиймээс өнгөрсөн жилийн хугацаанд замын хөдөлгөөнд дугаарын тэгш, сондгойгоор явуулсан байгаа.  Үүнийг иргэд ч сайшаасан. Тэгэхээр энэхүү ажлыг энэ жилийн тухайд мөн адил авч хэрэгжүүлэхээр Нийслэлийн засаг даргад саналаа хүргүүлчихээд байж байна. Нийслэлийн иргэдээс ч давхар саналаа авна" гэв.