Монголын Залуучуудын Холбооны дэргэдэх Залуучуудын хөдөлмөрийн төв бирж БНХАУ-ын их дээд сургуулиудад бакалавр, магистр, докторантаар суралцаж байгаа болон суралцахыг хүсч байгаа оюутан залуус мөн төгсөгчдөд зориулсан өдөрлөгийг зохион байгуулах гэж байна.

Өдөрлөгийг БНХАУ-ын ӨМӨЗО-ны Хөх хотод суугаа ерөнхий консулын газар, Залуучуудын хөдөлмөрийн төв бирж, ӨвөрМонгол дахь Монгол оюутны холбоо, БНХАУ-Д төгсөгч Монгол оюутнуудын нэгдсэн холбоо зэрэг байгууллагууд  хамтран зохион байгуулж байгаа юм.

Энэхүү өдөрлөгийн үеэр залууст мэдээлэл, зөвлөгөө өгөх, ажлын байр санал болгох, сургалт, судалгаа явуулах, БНХАУ-ын ӨМӨЗО-ны их дээд сургуулиудад элсэлт авах ажээ.  Өдөрлөг энэ сарын 13-нд 10.00-17.00 цагийн хооронд Монголын Залуучуудын Холбооны “Залуус танхим”-д зохион байгуулагдах юм байна.