НИТХ-аас шийдвэрлэж нийт 52 байршилд газар өмчлүүлэхээр болсон. Уг шийдвэрийн дагуу 281.440 иргэн газар өмчилөхөөр цахимаар бүртгүүлсэн юм. Тэдгээрээс цахим системийн дагуу 14.954 иргэн газар өмчлөх эрхтэй болсон билээ. Гэвч цахим бүртгэлийн талаарх гомдол тасрахгүй байна. Энэ гомдлууд дундаас хамгийн их дуулиан тарьж байгаа гомдол бол Сонгинохайрхан дүүргийн Соёоны аманд  Гён Шиг овогтой Мин Гёнд газар өмчлүүлэхээр шийдвэрлэсэн явдал юм. Энэхүү нэрийг харсан иргэд “БНСУ-ын иргэнд яахаараа газар өмчлүүлдэг билээ? Монголчууд өөрсдөө газараа өмчилж авч чадахгүй байхад яагаад ийм шийдвэр гаргав? Эсвэл энэ хүн Монголын харъяат болсоно уу? Өнгөрсөн хавар газрыг гадаадынханд өмчлүүлэх гэж байгаад баригдаад санаачилсан гишүүд хуулиа татсан. Энэ зорилгоо эвтэйхэн биелүүлж байна уу?” гэх мэтээр цахим ертөнцөд бухимдлаа илэрхийлж байна.