"Шинэ бүтээн байгуулалт" хөтөлбөрийн хүрээнд иргэдийг хямд өртөгтэй орон сууцаар хангах "Буянт-Ухаа 1" хорооллоос үлдээд буй  300 байрыг бэлэн мөнгөөр худалдаалахаар болсон талаар албаны эх сурвалж мэдээлж байна.

Өмнө нь "Буянт-Ухаа 1" хорооллын байруудыг 15 жилд түрээслэх, худалдаалахыг хориглосон, хатуу нөхцөлтөйгөөр урт хугацааны, бага хүүтэй зээлээр олгоно гэж байсан. Тэгвэл борлуулагдаагүй байгаа 300 байрыг 15 жилийн нөхцөлгүйгээр, бэлэн мөнгөөр шууд худалдаалах журмыг Засгийн газраас гаргаад байгаа аж. Юутай ч ямар учраас ийн зарахаар болсон нь тодорхойгүй байна.