Ц,Оюунгэрэл сайдын дүү Ц.Батыг төмөр замтай холбоотой асуудлыг олон нийтэд ил гаргасан гэдэг үндэслэлээр гурван сар хорихоор болсон. Ц.Бат нь "Бат Инженер" нэртэйгээр твиттерт жиргэдэг бөгөөд түүнийг өнгөрсөн хугацаанд Зам тээврийн яамны сайд А.Гансүхийн эсрэг худал, гүтгэлэгийн чанартай зүйл таарсан гэж мөн үзэж байгаа аж. Тиймээс А.Гансүх сайд түүний эсрэг шүүхэд гомдол гаргасан юм.

Тэгвэл түүнийг баривчилсаныг эсэргүүцэж жиргээчид өнөөдөр жагслаа. Жиргээчид "Бид үзэл бодлоо  илэрхийлэх хуулиар заагдсан эрхтэй. Гэтэл нэг жиргээч үзэл бодлоо илэрхийлсэнийнх төлөө тэгээд тэр жиргээ нь таалагдаагүйн төлөө жиргээчнийг хорих ялаар шийтгүүлж байгаа буруу. А.Гансүх сайд монголчуудын үзэл бодлоо илэрхийлэх эрх чөлөөг шүүхээр хааж боохыг оролдлоо. Өнөөдөр Ц.Батыг маргааш хэнийг ч байсан үзэл бодлоо чөлөөтэй илэрхийлсний төлөө шүүхээр ялладаг, айлгадаг бурангүй тогтолцоо бий болох гэж байгаад харамсч байна" гэлээ.