Газар өмчлөхөөр цахимаар бүртгүүлсэн 281144 хүнээс 14954-г нь автомат системээр сонгосон байна. Энэ хүмүүст газар өмчлүүлэх явцыг өчигдөр Нийслэлийн удирдлагын зөвлөлийн хурлаар хэлэлцжээ. Иргэдийг олон материал бүрдүүлэхгүй байх боломжоор хангах зорилгоор, сонгогдсон иргэдийн мэдээллийн дагуу өгөгдлийн маягтыг автоматаар бөглөн гаргах тусгай программ зохион ашиглаж байна. Мөн нийслэлд 2013 оны тавдугаар сарын 30-наас хойш шилжин ирсэн иргэдийг бүртгэлээс хасаж байгаа хэдий ч энэ хугацаанаас хойш төрсөн 365 хүүхэд эцэг, эхийнхээ хаяг, мэдээллээр бүртгүүлж, сонгогдсон байна. Тиймээс эдгээр хүүхдүүдэд газар өмчлүүлэх эсэхийг шийдвэрлэх аж.
Сэтгэгдэл (6)