Хүндэт харуул болохын тулд нэлээд олон сорилтыг давах шаардлагатай байдаг. Үүнд хамгийн багадаа 180 см өндөр нүүр царай өв тэгш төрхтэй, бие бялдар сайтай, элдэв сорви шивээсгүй байх нь Зэвсэгт хүчний 032-р анги буюу хүндэт харуулуудын шаардлага юм байна.

Монгол улсын төрийн ёслолын журмын дагуу төрийн тэргүүний айлчлалд гурван салаа хүндэт харуул буюу 130 алба хаагч жагсдаг байна. Тэдний 20 нь төрийн ордны өмнө залрах хааны хөшөөний хоёр талаар жагсдаг бол 80 нь хүндэтгэлийн ёслолын алхааг үйлдэж 30 нь морьтон баатруудын ёслолыг үзүүлдэг. Хүндэт харуулын ёслолын ажиллагаа 15 минутаас 2 цаг хүртэл үргэлжлэх нь бий. Төрийн тэргүүний айлчлалд зориулан 15 минутын ёслолын ажиллагааг зохион байгуулахын тулд нэг сарын өмнөөс өдөр бүр 3-4 цаг бэлддэг аж.