Дэлхийд өрсөлдөх монгол инженерүүдийг эх орондоо бэлтгэхээр “Шинэ Монгол” технологийн дээд сургууль үүд хаалгаа нээж байна. Тус сургууль нь дэлхийд нэртэй Масачусетсийн технологийн их сургууль, Токиогийн технологийн их сургуулийн сургалтын хөтөлбөрийн жишгээр хичээллэхээс гадна үйлдвэрлэлийн танилцах дадлагыг өндөр хөгжилтэй орнуудад хийлгэх боломжоор хангах аж.

Мөн тус сургууль нь оюутнуудынхаа сурах орчин, сургалтын материаллаг баазыг хангах үүднээс 9 давхар хичээлийн байр, судалгааны парк, орчин үеийн лабраторийг байгуулжээ. Дээрх материаллаг бааз дээрээ үндэслэн мэдээллийн технологиос нано материал, материал судлалаас хот төлөвлөлт, энергийн шинэ үүсгүүрээс байгаль орчныг хамгаалах технологи хүртэл эрэлт ихтэй нарийн мэргэжлийн инженерүүдийг бэлтгэн гаргах юм байна. “Шинэ монгол” технологийн дээд сургуулийн хичээлийн 60 хувь нь англи хэл дээр заагдах төдийгүй гадаад оронд докторын зэрэг хамгаалсан энэ цагийн өнгийг илэрхийлсэн шилдэг багш нар багшлах юм.

Тус сургуульд бүртгүүлэхээр ирэгсэд дараах бичиг баримтуудыг авчирна.

Үүнд:
1.    Иргэний үнэмлэх эсвэл түүнтэй адилтгах баримт бичиг (төрсний гэрчилгээ, гадаад паспорт) хуулбарын (ар, өвөр тал нэг нүүрэнд) хамт;
2.   Бүрэн дунд боловсролын гэрчилгээ (хэрэв түүнээс дээш шатны боловсрол эзэмшсэн бол гэрчлэх баримт бичиг);
3.    ЕШ-ын батламж;
4.    Цээж зураг 1 хувь (сүүлийн 3 сард авахуулсан байх);
5.    Бүртгэлийн хураамж 5000 төгрөг байна.

БҮРТГЭЛ : Бүртгэл 08 дугаар сарын 29 –нийг дуустал  9:00-18:00 цагийн хооронд явагдна.